Rambu-rambu Lalu Lintas

         Rambu-rambu Lalu Lintas, yaiku kabeh pituduh kang ditujokake kanggo para pengemudi ing dalan. Ana sing isine tulisan, angka-angka, huruf, lan gambar. Warnane uga ana sing abang, biru, utawa kuning.
Rambu-rambu Lalu Lintas bisa dikelompokke dadi 4 kaya ing ngisor iki:
         1. Rambu Penget/Ngelingake (Peringatan)     
         2. Rambu Pituduh (Petunjuk)
         3. Rambu Pamenging (Larangan)
         4. Rambu Prentah (Perintah)

                    

1. Rambu Ngelingake, yaiku rambu kang ngelingake supaya para pengemudi ngati-ati anggone padha nglakokake kendharaane. Biasane rambu iki werna dhasare kuning kanthi list (garis pinggir) ireng.
Conto :
       

2. Rambu Pituduh, yaiku rambu kang menehi pituduh (petunjuk) utawa katrangan marang pengemudi utawa sing nggunakake dalan liyane. Biasane werna dhasare ijo kanthi tulisan putih.
Conto :
        

3. Rambu Pamenging, yaiku rambu kanggo menging/ nglarang sapa wae utawa apa wae sing nggunakake dalan. Biasane werna dhasare putih kanthi list abang lan gambar/tulisan putih utawa ireng.
Conto :
      

4. Rambu Prentah, yaiku rambu kanggo mrentah kabeh sing nggunakake dalan. Biasane werna dhasare biru utawa abang kanthi gambar/ tulisan putih.
Conto :
       
                                                                             (Terjemahan bebas saka Wikipedia/Rambu Lalu Lintas)

wayang

Jinis-jinis wayang:
1. wayang beber yaiku wayang saka kain mori kang digambari wayang ditontonake sarana dibeber (dibentangkan) banjur dicritakake.
2. wayang gedhog yaiku wayang sing nyritakake lakon Panji.
3. wayang golek/ thengul yaiku wayang kang awujud golek.
4. wayang klithik/ krucil yaiku wayang saka kayu digawe saemper (mirip) wayang kulit, nyritakake lakon Damarwulan.
5. wayang kulit yaiku wayang sing digawe saka lulang (kulit kewan ternak), nyritakake lakon Pandhawa.
6. wayang madya yaiku wayang kulit kang nyritakake lakon ing antarane jaman purwa karo crita anyar.
7. wayang purwa yaiku wayangkulit.
8. wayang potehi/ cina yaiku wayang golek nyritakake lakon cina.
9. wayang wong yaiku wayang sing dilakonake wong (njoged sarta digameli).



Ubarampe/peralatan pagelaran wayang :

1. Pluntur yaiku tali/tampar dianggo nggantung rericikaning gamelan.
2. Janget yaiku tali lulang kanggo nyencang kelir.
3. Kelir yaiku lawon/ mori putih kanggo nampani wayanganing (bayangan) wayang lulang/ kulit.
4. Blencong yaiku diyan/ lampu nganggo tedheng dianggo madhangi wayang.
5. Klanthe yaiku tali gong.
6. Jala-jala yaiku tali lulang dianggo mbedheng kelir.